Die Klub word ge-revamp

Soos julle almal seker al weet is Alice nou die Nuwe bestuurder van die klub en sy beplan groot dinge, een van hulle 'n dans kompetisie met opwindende pryse.

'n Ou gesig gaan ook weer sy verksyning in die klub maak. Jakkie Louw gaan sy nuwe treffer "Drie Pikkewyne" op die 21st Maart in die klub sing. Hy het drie jaar terug vir die eerstekeer in 7de Laan opgetree en erken dat hy so elke nou en dan na 7de laan kyk. Louw meen dat die publisiteit wat hy deur sy verskyning in die sepie kry is "meer as wat geld kan koop."

Hy het met sy CD - "Alles in een glas" in 2006 die Vonk Oskar-musiektoekenning onder die kategorie beste nuweling gewen.

7de Laan akteur in sy huis oorval en geskiet

Oorspronklike artikel in Die Burger
deur: HILDA FOURIE

“Wie is hulle om my goed te vat waarvoor ek gewerk het?”
Só het Francois Lensley, Marko van die sepie 7de Laan, gister gesê nadat hy Donderdagaand in sy huis oorval en geskiet is.

Lensley het omstreeks 21:15 in sy huis in Midrand op die bank gelê en televisie kyk toe drie mans met gewere sy huis ingestorm het.“My hond het vir die eerste ou se hand gegaan. Die ou het geskiet, maar daar het nie ’n skoot afgegaan nie. “Ek het toe opgespring met my hande in die lug.“ ’n Tweede ou het sy geweer in my gesig gedruk en ek het hom met my hand uit die pad gestamp. ’n Skoot het afgegaan en my skouer se sening getref.“Die koeël het alles gemis wat dit moes mis.“Die skelms het toe my huis ‘skoongemaak’ en alles in my rooi Golfie gelaai,” het Lensley gesê.

Die skelms het Lensley met kabels vasgebind voordat hulle gery het. Hy het dit reggekry om sy hande met ’n tang los te sny en het toe die noodknoppie gedruk.Sy suster, die polisie, ’n veiligheidsmaatskappy en die nooddienste het kort daarna opgedaag.Hy is na die Tembisa-hospitaal gebring en gistermiddag weer ontslaan.Lensley sê die skelms het vermoedelik oor sy heining gespring.

“My deure was oop en die alarmstelsel was nie geaktiveer nie, want ek deel ’n huis en ek het my huismaat verwag.“Ek sou seker nog so 10 minute voor die televisie gelê het en dan die huis gesluit het om te gaan slaap. Dit het toe nie gebeur nie.“Ek is kwaad en seer, maar wat kan ’n mens maak?” het Lensley gesê.

Volgens Vuyelwa Booi, assistent-media-koördineerder van 7de Laan, wat ook Alyce in dié sepie speel, is die Lensley-gesin nog baie getraumatiseer. “Dinge kon skeef geloop het. Dankie tog die skelms het nie meer skade aangerig as wat hulle wél gedoen het nie,” het Booi gesê.

MONDUITSPOEL: Wie de drommel is Evelina?

Oorspronklike artikel in Die Burger
deur JAN TALJAARD

TERWYL die aankappery oor die wenslikheid van veelrassige verhoudings (al dan nie) op 7de Laan in die SMS- en briewekolomme van Die Burger voortstu, is daar vir sommige van ons geswore kykers ’n veel meer tergende kwelpunt: Wie de hel is Evelina?

Of eerder, wat is die rol van haar alomteenwoordige, maar onsigbare teenwoordigheid in die sepie? Wat simboliseer sy? Bestaan sy werklik, en het sy ’n geskiedenis? Is sy straks Hillside se eie Poppie Nongena? Is sy ’n teken aan die oorwegend Afrikaanse kykersgemeenskap dat alles nog wel in ons huishoudings is? Selfs blank?

Die maklike antwoord op die eerste vraag is natuurlik dat sy die huishulp van ou Madel-hulle is. Dit is iets wat enige ordentlike aanhanger behoort te weet en is in der waarheid deur Huisgenoot onderstreep toe die tydskrif reeds op 14 Julie verlede jaar dié vraag in ’n kompetisie, wat om beuselagtighede in 7de Laan gewentel het, gevra het.

Wat is die naam van die Terreblanche’e se huiswerker, wou Huisgenoot weet. En het enige iemand al ooit vir Evelina gesien?

In die ryke letterkundige tradisie van onsigbare karakters wat belangrike rolle vervul, is Evelina besig om een van die grootstes te word. En daar was al grotes. Buiten ’n verskeidenheid van godhede wat eeue lank al hul onsigbare teenwoordigheid in ’n magdom verhale laat geld met mindere, meerdere of geen ingryping, is daar ook voorbeelde soos Godot.

Die dramaturg Samuel Beckett het sy onsigbare karakter al in 1953 geskep en nog steeds wonder mense wie en wat die kêrel was. Hy word nooit gesien of gehoor nie en het geen klinkklare rol in die gebeure nie buiten dat twee Franse bergies, ene Vladimir en Estragon, op hom wag. Hulle verduidelik ook nooit wie hy is nie.

Nie dat onse Evelina so ’n onbeduidende rol speel nie. Hoewel sy nog nie haar verskyning op die skerm gemaak het nie, het sy tog al as vername katalisator opgetree – selfs al was dit bloot deur haar afwesigheid. Die keer toe die mal Sandra Stutterheim vir Madel en die huis aan die brand wou steek, was dit juis Evelina se aand af.

(Dit laat natuurlik ander vrae ontstaan soos oor hoeveel uur Evelina per week werk as sy haar saans ook moet afsloof, en of die departement van arbeid daarvan weet.)

Op ’n meer gereelde grondslag speel Evelina ook ’n vername ontlontingsrol. As die spul Terreblanche’e en hul satelliete net soos die Ewings van Dallas om die drankkraffies in die voorkamer staan en ginnegaap, ontstaan daar kort-kort ’n spanningsmoment wanneer die een of ander ongemaklikheid opgediep word. Nie al hierdie oomblikke kan op Diep Dezi se fronsende gesiggie ontknoop word nie en dis dan wanneer Evelina op die klap van regisseursvingers ’n stuk eetgerei in die kombuis laat val.

“Ai tog,” sê Madel dan tussen saamgeperste lippe. “Evelina het seker iets in die kombuis laat val, laat ek gou gaan kyk.” Dan moet ons tot die volgende episode wag om te weet waarheen die ongemaklikheid eintlik op pad is.

(Nog vrae uit bogenoemde: Is Evelina onhandig, drink sy skelm, is sy oorwerk, kry die Terreblanche’e dalk pluspunte omdat sy gestremd is?)

Die feit dat Evelina, anders as gehoorsame kinders, nooit gesien word nie, maar net dan en wan haar teenwoordigheid klinkend vanuit die kombuis verklaar, dui nietemin op gedienstige deugsaamheid en vind op sy beurt weer aanklank by ’n ander ryke tradisie in die verhaalkuns.

DIE Amerikaanse akademikus Linda Anderson het verlede jaar wyd oor dié tradisie uitgewei met die publikasie van haar boek A Place in the Story: Servants and Service in Shakespeare’s Plays (Associated University Press, te bestel oor die internet).

Ek het nog nie die boek gelees nie, maar weet darem dat Shakespeare se bediendes hulle al op meer maniere laat geld het as om byvoorbeeld net aan te kondig dat iemand aan die voordeur klop.

In Romeo en Juliet het die Capulets en die Montagu’s se bediendes sommer met die intrapslag lekker saam met hul heersers baklei en was dit eindelik ’n dienskneg, Balthasar, wat vir Romeo moes sê dat Juliet nie meer met ons is nie.

Ons weet nie of Evelina kant kies of wat haar sienswyse van die hele Gecko-skandaal en die moontlikheid van veelrassige verhoudings in 7de Laan is nie. Helaas blyk dit of Evelina nie maklik uit haar onsigbaarheid gaan ontsnap nie. Sy mag wel kook, maar sy sal sekerlik nimmer ’n kok soos Pawel Smerdjakof kan word nie. Of word sy juis weggesteek omdat sy moontlik ’n buite-egtelike kind van Madel kan wees? Die hemel alleen weet, daar is al genoeg van laasgenoemdes op die sepie.

Vir haar is die selfgeldende astrantheid van Madam se bekende Eve klaarblyklik ook nie beskore nie. Daarvoor moet ’n mens darem mos iets sê en ook gesien word.

Maar wag, daar is hoop. Indien nie vir Evelina nie, darem vir haar nageslag. Interessante moontlikhede kan byvoorbeeld geskep word as Evelina self ’n kind het. In die boekie, Handleiding vir Verkennerslewens (uitgegee deur die Voortrekkers, Posbus 23442, Gezina, Pretoria), word die dilemma van ’n “inwonende Sotho-bediende”, wie se dogter van 14 jaar ook inwoon om ’n nabygeleë Engelse skool te kan bywoon, geskets. (Is Evelina ’n Sotho? Mag ons nog klem op etnisiteit lê?)

Dié dogter (vermoedelik ook Sotho) is bevriend met die dogter des huises (vermoedelik ’n etniese Afrikaner) en noem dat sy graag ook saam met haar die Voortrekkers wil bywoon. Wat nou gemaak, vra die handleiding sonder om duidelike antwoorde te verskaf. Dalk kan 7de Laan dit oor verskeie episodes uitpluis.

Miskien het Evelina se onsigbaarheid tóg met die huidige kwelpunt oor veelrassige verhoudings te doen. Die Bybelse gebod stel dit duidelik dat jy nie jou naaste se diensmaagd (en by implikasie ook dan dié van die Terreblanche’e) mag begeer nie. Met die oog, die hart of watter ander liggaamsdeel ook al van toepassing mag wees.

Lei tog nie die kyker vanaand om 18:30 nog verder in versoeking nie.

7de Laan Knertsies op jou foon

Ek onthou nog so duidelik soos daglik hoe ek 7 de Laan begin kyk het...

Dit was in 2003 en my koshuis (Klaradyn by Tukkies) vriendin Anel was toe al 'n mal oor 7de Laan en sy het my geboelie om ten minste een keer 'n week dit saam met haar te kyk. Dit het later 2 keer 'n week geword en teen die tyd dat 7de Laan 5 episodes 'n week uitgesaai het, was ek elke dag soos klok slag half 7 voor die tellie.

7de Laan is soos 'n tipe van opsessie vir meeste mense. 5 Dae 'n week kyk jy die episodes en op Sondae die omnibus, tussendeur besoek mens die 7de Laan webwerf en blog. Maar wat as jy nog meer soek ... as jy jou so inleef by die gebeurtenisse en mense van Hillside dat jy hulle eintlik mis as jy hulle nie sien nie.

Wel, vir al julle passievolle 7de Laan kykers is daar nou 7de Laan Knertsies om jul besig te hou. 'n Knertsie is 2 minute van 7de Laan wat jy op jou Vodefone Live 3G selfoon kan kyk. Dit het niks te doen met die gewone storielyn nie maar handel oor die nuutste skindernees, die Hillsiders se gedagtes en gehuime, snaakse stories, mode wenke, romanse en snaakse grappies. Daar sal selfs voorsmakies van wat nog gaan kom in die volgende episodes.

Daar sal elke dag 'n nuwe knertsie beskikbaar wees vir aflaai na die half 7 episode.Die knertsies kan jy dan enige tyd van die dag met jou Vodafone Live foon aflaai en kyk.

Geseënde Kersfees

Aan al die 7de Laan kykers en getroue volgelinge van die blog - Geseënde Kersfees en Voorspoedige Nuwe Jaar.

Emma se Feeverhaal

Emma het die afgelope tyd feeverhaal geskenke ('n glasskoen, gemmerkoek mannetjie en teddiebeer) van 'n gehuime bewonderaar afgekry. Toe sy Tobie konfronteer oor die geskenke het hy ontken dat dit hy was, maar iewers sien ek 'n slang in die gras ...

Op 'n ander noot het ek gewonder as die 7de laan karakters in feeverhale moes speel hoe sou dit uitgedraai het:

Hansie en Grietjie (Maria en Aggie)

Maria en Aggie is albei is mal oor hul soetgoed en eet gedurig Cream Scons with extra Jam, en hul het al tot vir die heks (Matrone) om die bos gelei om aan 'n lekkerding te peusel.

Sneewitjie (Lana, Carlos en Madel)

Lana is die arme onskuldige prinses wat met die prins (Carlos) wil trou maar die nare skoonma (Madel) het haar eie slinkse motiewe.

Alice in Wonderland (Alice en Dezi as die hasie)

Alice is dolgelukkig in die boetiek, haar nuwe wonderland en Dezi is die oulike witkop hasie wat haar by hierdie betowerende wereld uitbring.

Rooikappetjie en die Wolf (Sanmarie,Robyn en Oom Oubaas)

Die rooikop rabedoe San-Marie word gedurig agtervolg deur die gehuimsinnige wolf (Robyn) en mens kan maar net wonder of die houtkapper (Oom Oubaas) tot Rooikappie se redding gaan kom - die dat hy deesdae so hard kataboks oefen.

7 de Laan Storielyn in die nuus

7de Laan storyline too hectic? - Eagan Williamson, Beeld

Johannesburg - Fans of the popular SA soap 7de Laan reacted with mixed emotions to a recent script development in which one of the child characters died after being diagnosed with a rare brain disease. Thousands of viewers mourned with Vanessa (Ingrid Paulus) en Charmaine (Vinette Ebrahim) when little Aubrey (Caleb Abrahams) died. Aubrey was diagnosed with a deadly kind of brain infection that caused his condition to deteriorate quickly.

Beeld readers reacted angrily to this script development and wrote that the script writers did not know what to write about any more. "Don't you realise how many children are going to bed fearing they won't wake up again tomorrow?" asked one reader.

Producer Danie Odendaal said in reaction that a soap like 7de Laan was about everyday life and everything that was a part of that - good and bad."If 7de Laan was only about light-hearted comical aspects of humanity, then it would quickly become a sitcom and life is about more than that." Odendaal said they tried with this script development to show insight, perspective and depth to the characters.

"According to the feedback we got, the whole country cried and mourned for Aubrey. How many people have not suffered a similar tragedy?"Odendaal praised Paulus and Ebrahim for their moving acting, which contributed to the fact that this story angle would be remembered as a highlight of the series.

Die feeks is terug... Of is sy?

Sandra Stutterheim is bekend as die feeks in Hillside maar sy het ook 'n hele paar ander rolle aangeneem soos wat die sepie gevorder het. Ek vat julle deur Sandra se lewe in Hillside soos voorgestel deur 'n reeks foto's.


Sandra die besigheidsvrou saam met Felicity. Sandra was op 'n tyd soos 'n regte Donald Trump en het vir Felicity gese: "Vat jou goed en loop"

Die Madel en Sandra sage bestaan al so lank soos Star Wars en Sandra was ook eens op 'n tyd net 'n onskuldige jong jedi todat sy na die donker kant toe gegaan het.

Sandra was 'n behoorlike Delila en het vir Carlos verlei deur met sy hare te speel.

Sandra was die bruid wat amper vermoor is deur die persoon wat die meeste vir haar omgegee het Bill ag ek bedoel Ben.Ben het natuurlik gevlug toe dinge skeefloop en Sandra het net soos Uma in Kill Bill nooit getrou nie.
Sandra saam met klein ewald wys ons 'n brose onskuldige kant van haar wat ons nie ken nie.
Sandra in 'n onderhoud om by Weskoppies in te kom. Sandra se kop het effe uitgehak en sy was vir 'n wyl in 'n inrigting.
So wie is die nuwe Sandra wat ons elke aand half 7 begroet. Is sy nog 'n malletjie? Moet Madel bekommerd wees vir die reinkarnasie van die superfeeks? Gaan Sandra haar straightjacket vir 'n besigheidspak verruil en weer by die boutique help? Of gaan Carlos vir Lana soos 'n warm patat los as hy weer eens in die arms van Sandra die verleidster is.... Weet nie van julle nie maar ek kan nie wag nie.

7de Laan agter die skerms

Gee vir mense van die platteland 'n kaart van Johannesburg, en hulle sal vir ure daaroor top en vir die voorstad Hillside soek. Vir die van julle wat al besef het dat Hillside en 7de Laan eintlik in 'n studio (naby Sandton City) geskiet word hier is 'n paar foto's wat wys wat eintlik agter die skerms gebeur.

Ons is in 7de Hemel oor die laan se nuwe gesig

Chris Chameleon is 'n ou gesig by 7de Laan. Nou's hy terug ironies genoeg met 'n nuwe gesig.

Hulle se mos hoe meer dinge verander, hoe meer bly dit eintlik dieselfde. 7de laan is vir Chris Chameleon gemaak. Hy is seker die enigste akteur wat al ooit homself en dan later 'n ander karakter in die reeks gespeel het. Boonop het hy dan ook elke keer dieselfde meisie (Dezi) vir dieselfde rede tot trane toe gedryf het.

Chris het die eerstekeer sy verksyning gemaak in die laan toe die boekwinkel 'n letterkunde aand gehou het. Dezi het die aand saam met 'n letterkunde professor Theuns gereel en hulle het Chris Chameleon gekry om Afrikaanse gedigte te toonset en optevoer. Wat niemand egter geweet het nie was dat Theuns die eerste liefde in Dezi se lewe was en dat die gedig wat Chris opgevoer het eintlik Dezi en Theuns sin was.

Maande na die insident is Chris Chameleon weer terug in die laan en hy veroorsaak al weer hartseer vir Dezi. Die keer is hy die skim, met 'n merk op sy gesig om hom van Chris Chameleon te onderskei, en hy sing al weer vir Dezi liedjies wat haar tot trane dryf. Toe Dezi een aand vir Liam van Theuns vertel het was hy so ontsteld dat Liam sy kitaar gevat en geloop het. Dit is nou werklik 'n liefdesdriehoek in 'n liefdesdriehoek en ek glo nie eens die skrywers van 7 de laan so kon raai dat Dezi en Theuns en Chris Chameleon se paai se gou weer kon kruis nie.